丽星邮轮旗下嘅「处女星号」将於今年一月二日至十月三十日以广州 (南沙港) 为新母港，而小编更系一月中参加咗呢条崭新联合母港航线玩足六日五夜！由香港出发去广州南沙丶越南下龙湾丶岘港及三亚呢几个地方。

因为今次行程比较多同埋丽星船上有不同新活动，呢篇就介绍咗六日行程比大家睇下先啦！另一篇就介绍船上美食同丽星新嘅丰富活动！

今次小编坐嘅「处女星号」系丽星之旗舰邮轮，如果想知船上有咩设施，可以参考呢篇游记：[邮轮之旅] 四日三夜台中高雄游＠丽星邮轮 Star Cruises。处女星号

今次行程由星期六下午尖沙咀集合上船，当晚喺六楼免费餐厅云顶宫享用中式晚餐後，再去丽都歌剧院睇黄小琥演唱会！到第二日早上就落船上岸参观，大家可以预先在船上报名参加当地安排嘅旅行团，每个地方都有各类型活动，动静皆宜都有！旅行团费价钱亦很便宜，已包括午餐及安排专车

接送架！

第一站先到广州南沙百万葵园花之恋酒店食午餐。

当日酒店行政总厨仲亲自接待，小编试过地道葵花鸡，真系有淡淡嘅葵花味架！不过天阴关系，外面一直下雨，我地无缘参观园内嘅《七彩花田》睇向日葵同薰衣草！

午饭後我地再去了番禺莲花山，虽然天气有点冷及下雨，但观音像下一直香火鼎盛。直到傍晚完成行程後就返回船上食晚餐。

之後处女星号就出发去越南，因为航程比较远，所以第三日全日都系公海上航行。咁船上有咩活动可以做呢？留意每日丽星导航节目表上行程就唔怕闷啦！

丽星导航包括有天气丶餐厅开放时间及各项表演时间表等。

小朋友参加手制卡片兴趣班。

除咗可以去健身室做GYM或去浸温水池，亦有瑜伽班或兴趣班岩大人小朋友参加，不同楼层地方更有歌舞表演观赏。

第四日终於到咗越南下龙湾，今日行程分别有海上洞穴游及钟乳石洞。

钟乳石洞，形成需要几千或几万年的时间。

之後去了地道市集买手信。

再跟团友去了品尝道地越南咖啡。

第五日，我地再继续喺岸上参观，早上先到越南岘港参观咗五行山中藏真洞。

午餐後再去到会安古城闲逛，原来越南盾20,000纸币上建筑物就系古城入面嘅日本桥。

同其他团友系古城周围闲逛。

仲遇到一对新人穿着传统喜嫁服装影婚纱相呢！

好多不同大小，各种色彩灯笼高高挂。

终於到行程最後一日，今日上岸到三亚凤凰岭观光。

午餐系地道嘅椰子宴，呢个糯米饭甜甜的几好味，小编仲食埋椰子中嘅果肉。

之後到了附近嘅槟榔谷黎苗文化旅游区，发掘黎族本土民族文化，包括传统纺染织綉技艺。

站着欣赏黎族婆婆传统织綉技术，婆婆双手很灵巧一直密密织。

因天气关系，行程都有少少改动，每一日都要把握时间喺岸上参观！工作关系提早系三亚完结今次六日邮轮之旅，吃喝玩乐样样都好满足，开心时间过得特别快呢！谢谢丽星邮轮安排的邮轮之旅！

如果大家对丽星船上嘅餐饮同新活动有兴趣可以睇呢篇：六日五夜「处女星号」越南．三亚邮轮之旅 － 美食活动篇

请加入微信↓↓↓热门文章源源送上↓↓↓