何柱國批學生衝動 思考欠成熟
Johnson Choi-1008 09/24 9348
5.0/1
何柱國批學生衝動 思考欠成熟
何柱國又認為，如果學生能深入思考政治問題，就會明白點解公民提名喺世界上沒有標準，同埋點解普選行政長官要考慮到國家安全。
本周一，逾萬名大專生發起為期一周的罷課行動，以表達爭取普選的訴求。當日咁啱全國政協副主席、前行政長官董建華率領一班工商及專業界人士訪京，同國家主席習近平會面。
會前好多成員都表明唔贊成大專生罷課，其中政協常委、星島新聞集團主席何柱國就話，學生比較年輕和衝動，好多時諗嘢唔夠深層次。「對於佔中、對於學生的問題，佢哋（領導人）都諗住會發生，因為學生係比較後生啲、衝動啲，有啲學生有自己的諗法，到佢哋比較成熟時，諗法又可能唔同。」
「即係諗啲政治問題要諗得深啲，因為我諗佢哋都係比較後生，要睇的問題唔夠深……因為喺香港是（居港）二十年、有永久居民（資格）就可以申請做特首，你諗一諗，不論是中、西外籍人士都可以（申請做特首），香港今日已回歸十七年，會唔會中間有啲國家諗得深詳些，放一個間諜、『無間道』喺呢度，咁對『一個中國』係衝擊。」
他又話，中央已就政改訂出框架，但沒說過不准泛民人士入閘，「是否佢哋驚呢？」
至於由二十五個學界團體及十個民間組織發起的罷課集會，則在中大百萬大道舉行，參與的學生當日下午陸續抵達港鐵大學站，在學界團體牽頭人帶領下，分批步行或乘校巴到中大本部。集會開始前，百萬大道已迫滿了人，包括數十名醫科生，他們身穿白色衫，綁着黃絲帶，做出交叉手勢一分鐘，抗議人大常委就政改的決定。傍晚時份，有中學生放學後趕到現場。
不過，亦有大學生杯葛罷課行動，讀工程系的李同學說：「功課太多，明日還要交project，無辦法走堂罷課！」亦有同學坦言：「無本錢罷課，因為成績太差了。」
