以下文章，是轉自一位當警察的香港市民 遊行示威 變成羞辱香港警察的嘉年華 香港警察變成示威者既衝擊對象
Johnson Choi-1008 07/15 56085.0/1 
以下文章，是轉自一位當警察的香港市民 遊行示威 變成羞辱香港警察的嘉年華 香港警察變成示威者既衝擊對象
以下係過去四年我同身邊同袍既POE工作感受，希望幫得上。
坦白講，當得差就預左有番工遲收工，做多少又有什麼問題。而且管方對同事工作上如糧食補給，飲水去廁所既安排也算合理。
但這四年既所有既所謂POE, 已經不是遊行示威，而係變成羞辱警察的嘉年華，警察變成示威者既衝擊對象。
1）我有同事PTU D com, 於2014年7.1被安排部署在崇光對出做鐵馬封鎖，但就俾示威者借故要開放所有行車線而變成衝擊對象，個Pln亦有同事因此受傷。但2013年已經發生上述情況，只不過當事人換上我同其他第二梯隊同事，而防線被衝破後就混入示威者中被臭罵十分鐘，直至入返波斯富街正裝PTU伙計個條防線為止。但每一次警隊高層既態度都係被動，除左一次由退休sp training 朱經偉(當時為新界北QRF大隊長)，曾經落過一次口頭命令唔俾學民思潮班示威者過之外，我未聽過一個白恤衫落過一次直接order。
2) 每一次衝擊任何警隊防線，警隊都不停警告，無錯係不停警告，而沒有即時做應變方法，因為所有Pln commander都係一粒起兩粒止，無人夠膽直接落柯打，做任何決定都要等大隊副大隊長柯打，結果係爭取答覆既同時只能用警告去拖延時間。
出得泥落命令既只有Pln 咩，試問前線同事係上述情況能有效執法嗎？只有不斷捱打，就算有命令都已經賊過興兵，衝擊立法會當日已經係一個好例子，當時示威者用鐵馬撞擊立法會玻璃門及緊急出口，電視有直播，這些行動還是和平示威嗎？當年旺角騷亂PTU都係立即放催淚彈拘散。但班同事係立法會內只係可以頂住度門，即使立法會緊急門被直接破壞，班伙計都只係係門內噴OC FORM, 你有你噴佢有佢衝，之後eu hk I form Pln 衝出去，所謂既「和平示威者」才結束衝擊，但無線記者利君雅竟然係新聞直播度講警方襲擊記者，事後才改口，但點解傳媒對示威者衝擊方方法無全面報導，但對警方執法既方式扭曲後就無限放大？係咪選擇性報道？
3）呢一點我好希望冼sir可以為我們向警隊高層發聲，除左一哥曾sir，退休sp劉sir,同你地呢一班退休伙計對住傳媒可以真正悍衛警隊尊嚴外，沒有一位警隊高層肯為我們發聲，只係不停同前線同事講要克制，容忍，包容，逆地而處，每一次做完POE都只係不停print一張讚賞，只係個老冧同英文名唔同，咁這叫士氣良好嗎？如果士氣係良好既班伙計會係咁搵位走唔操tier2？仲有一句我好希望冼sir會講既係，我地當差既係遵從，支持，及維護香港特別行政區既「法律」，但無法律條文講到明，我地既薪酬係有幾多成包埋俾人屌！無錯！係包埋俾人屌，唔好再叫班老闆咁樣呃伙計，我們尊重遊行示威自由，但不代表警察尊嚴受辱！我屋企幾代當差，我視警察係終身事業，我地都係人子，人父，人夫，但示威者已不再只係羞辱同 事，還說：知唔知點解您要企係度俾我地屌呀，因為你老豆老母前世做能錯事囉！但奈何這些示威者過左幾年後就做幫辦做伙計，曾有幫辦竟然教自己的示威者朋友如何應對警方，這些事已經不能視而不見，唔可以再俾警隊高層自我感覺良好，為求升級而莫視前線伙計既感受。
