購入公屋 如何繼承轉名？
Yanzhen-2187 01/28 105155.0/1
待住300呎 - Denise
八十後，恨上樓。
「公屋業主同公屋租戶喺物業繼承方面有咩唔同？」原來好多人都對此甚關注，有些父母有層公屋揸手，有些則與我老友Amy一樣，想為政府開售公屋做功課。
「房署職員話，如果你層公屋買咗，第二時你過身，個單位可以好似其他遺產咁，透過遺囑傳畀下一代，唔使再做入息和資產審查。」Amy解釋之餘，仲話突然覺得遺囑好緊要，覺得自己都要及早寫定。
「咁係咪同公屋租戶一樣，只可以由戶籍上嘅家庭成員繼承？」
「唔係。如果業主死咗，繼承人唔一定係嗰層公屋的戶籍成員，即使佢本身有物業，都可免審查繼承單位。」
「但我聽人講，轉名好似要補地價？」
「如果業主在生，想轉名畀一個非戶籍名單之上嘅人，的確係需要先補地價先可以轉名。但如果因為業主過身，引致單位要由另一人繼承，則毋須補地價。」Amy飲啖水之後補充，「不過聽職員講，即使業主在生，如有特殊情況，例如業主離婚、患重病，房委會都會容許業主免補價將單位轉名，但亦只限轉畀戶籍上嘅家庭成員。」我覺得Amy簡直清楚到好似在房署工作一樣。
「咁我買咗公屋之後，係咪唔可以申請其他資助房屋㗎啦？」
「係呀。但你啲囝囡就唔受影響，合資格就可以申請。到時你上咗樓，咪留番啲機會畀其他人啦。」
「房署職員話，如果你層公屋買咗，第二時你過身，個單位可以好似其他遺產咁，透過遺囑傳畀下一代，唔使再做入息和資產審查。」Amy解釋之餘，仲話突然覺得遺囑好緊要，覺得自己都要及早寫定。
「咁係咪同公屋租戶一樣，只可以由戶籍上嘅家庭成員繼承？」
「唔係。如果業主死咗，繼承人唔一定係嗰層公屋的戶籍成員，即使佢本身有物業，都可免審查繼承單位。」
「但我聽人講，轉名好似要補地價？」
「如果業主在生，想轉名畀一個非戶籍名單之上嘅人，的確係需要先補地價先可以轉名。但如果因為業主過身，引致單位要由另一人繼承，則毋須補地價。」Amy飲啖水之後補充，「不過聽職員講，即使業主在生，如有特殊情況，例如業主離婚、患重病，房委會都會容許業主免補價將單位轉名，但亦只限轉畀戶籍上嘅家庭成員。」我覺得Amy簡直清楚到好似在房署工作一樣。
「咁我買咗公屋之後，係咪唔可以申請其他資助房屋㗎啦？」
「係呀。但你啲囝囡就唔受影響，合資格就可以申請。到時你上咗樓，咪留番啲機會畀其他人啦。」
